Hafsa Zyberi (Tiranë 15.05. 1928 +05.09.1994) -“Artiste e Merituar”-1980.

Këngëtare e shquar e muzikës popullore të qytetit të Tiranës e gjysmës së dytë të shek XX-të. Babai i vdiq i ri dhe ishte nёna e saj ajo qё rriti 5 fёmijёt: motёr Hanken dhe Meremen, vёllezёrit Ramazanin dhe Mustafanё dhe vetё Hafsanё. Kjo ishte pёrbёrja e familjes sё madhe Zyberi e cila, pas disa vitesh mund tё krahasohej me njё ansambёl tё vёrtetё folklorik. E bekuar me njё zё tё mrekullueshёm, melodioz dhe tё butё, ajo brenda pak vitesh u shndёrrua nё njё ikonё tё interpretimit tё kёngёve popullore tё Tiranёs, aq sa nuk mund tё mendohej njё koncert me muzikё popullore tё Tiranёs, pa zёrin e Hafsa Zyberit. Eshtё çudi kur e mendon se si i’a doli Hafsaja, tё ngjitej nё kёto maja kur kujton se nё jetё ajo ishte njё punonjёse e thjeshtё e ambalazhimit nё ndёrmarrjen artistike “Migjeni” nё Tiranё. Pavarёsisht kёsaj, ajo pёrfaqёsoi denjёsisht muzikёn popullore tё Tiranёs kudo ku i krijohej mundёsia, nё dhjetra aktivitete vendore, nё Festivalet Folklorike Kombёtar tё Gjirokastrёs, nё aktivitete ndёrkombёtare etj. Sipas Fitnete Rexhës:…dasmat e Tiranës e mbajnë mend, ato shndërroheshin vërtet në manifestime harreje, festive, mrekullisht të veçanta. Ajo ka interpretuar me dhjetra kёngё popullore, ndёr to edhe krijimet e Muharrem Gurrёs, Xan Zyberit, Mustafa Bodinit, Isuf Myzyrit etj. Hafsaja nuku martua dhe as pati fёmijё. Duket se trashёgimia e saj janё kёngёt qё ajo interpretoi e pёr tё cilat ёshtё vlerёsuar me titullin e lartё tё “Artistes sё Merituar”.

Me kalimin e kohёs Hafsaja e rralloi kёndimin, por disa vite mё vonё, familja e madhe e kёngёs tiranase Zyberi i shtoi rradhёt e saj me interpretues tё tjerё po aq tё njohur. Ndёr ta fёmijёt e Ramazanit: kёngёtaret Fatma dhe Lindita Zyberi; fёmijёt e Mustafait: Irma Zyberi kёngёtare, Fatmir Zyberi instrumentist; si dhe fёmija e Mejremes: kёngёtaret Klotilda dhe Lindita Zyberi etj.

Disa filma dokumentarë janë realizuar për të dhe familjen Zyberi si dhe filmime audio dhe video të interpretimeve të këngëve të Tiranës prej saj.

“VALIZAKJA”, kendon Hafsa Zyberi. – YouTube