Krahinë gjeografike dhe etnografike në verilindje të Gjirokastrës. Shtrihet ndërmjet malit të Dhëmbelit në lindje dhe malit të Lunxhërisë në perëndim. 9 fshatrat e Zagories: Sheperi, Ndërani, Nivalin, Koncka, Topova, Hoshteva, Doshnica, Koncka dhe Bythyqi janë të vendosura në të dy anët e luginës deri në lartësinë 800 m. Etimologjia e fjalës Zagori do të thotë “prapa malit”.

Vecoritë gjeografike:

Është e ndërtuar nga flishi paleogjenik që formon një sinklinal dytësor në trajtë lugine në brezin antiklinal të Beratit. Lug. ka fund të ngushtë dhe shpate të pjerrëta. Përmes saj rrjedh l. i Zagorisë (degë e Vjosës) me gjatësi rreth 27 km dhe sip. të pellgut ujëmbledhës 171 km2. Gjatë shtratit të l. vërehen, vende-vende, 2–3 nivele tarracash gërryese-grumbulluese. Në krahun e djathtë dalin një varg burimesh karstike. Mbulesa pyjore është e rrallë. Në anën e majtë të luginës ndërmjet fshatrave Nderan e Topovë rritet ara dhe lajthia në gjendje natyrore. Janë bërë tarracime, ripyllëzime, ndërtime kanalesh dhe vepra të tjera ujitëse.   

Vecoritë etnografike dhe kulturore:

Per muziken zagorite shih: https://www.youtube.com/watch?v=qJoGi_qWhNI

https://www.youtube.com/watch?v=dYZsjPV_TIY

Vendbanimet ishin me shtëpi të grumbulluara. Marrëdhëniet shoqërore rregulloheshin sipas Kanunit të Papa Zhulit. Burrat visheshin me fustanellë e më vonë me poture, ndërsa gratë gunën dhe fustanin e leshtë i zëvendësuan me fustanin e gjatë me pala.